[美食推介系列] 元朗 神-火山石牛扒專門店
近期坊間出現左唔少石燒扒既東西，放舊生或者3成熟既牛扒係舊熱辣辣既石板上面，任客人按自己喜歡既熟度去控制塊扒煎幾耐，在商言商都算得上係一種聰明既手法，畢竟咁樣能夠省卻廚房烹調既時間之餘，食客自己又可以有一種「嘩！我都煎到舊扒呀！」既滿足感，實屬win-win雙嬴。
今次介紹既呢間位於元朗既神火山石牛扒，價錢一d都唔貴，最平既哥士牛扒，180g只係$78，純粹為左鋸下扒過下口癮，呢個價相當唔錯，而且你買左份扒，就會包埋自助沙律、湯同埋飯。
當然$78既扒唔好有太大期望，牛味一定唔會重，叫做有少許牛味既姐，反而佢倨牛尾湯既牛味仲香濃，呢個有點兒意想不到。你可能會問，咁叫個$148安格斯係咪會更好?? 我無叫架，不過聽隔離檯講都係無咩味，again，呢個價位 (我係講緊148) 既牛扒都係唔好有咁大期望，要好好食既，寧願去donki買鹿兒島牛自己煎，但價錢方面，你懂的。
推介之作:自助牛尾湯
地址:
食物: ★★★
價錢: ★★★★
環境: ★★★
服務: ★★★
性價比: ★★★☆
Search